أخبار عاجلة
محسن صلاح الدين: "سوحليفة ضراتني في خاطري" -
دليل اقتراب جورجي جيسوس لتدريب الهلال -
النفط الكويتي يرتفع 0.5% إلى 75.15 دولاراً -

رحاب هاني تكتب: 5 لحظات صنعت استثنائية عبلة كامل!

رحاب هاني تكتب: 5 لحظات صنعت استثنائية عبلة كامل!
رحاب هاني تكتب: 5 لحظات صنعت استثنائية عبلة كامل!

اليكم تفاصيل هذا الخبر رحاب هاني تكتب: 5 لحظات صنعت استثنائية عبلة كامل!

الحكم الحقيقي على استمرار الفنان / المشخصاتي اللي على حق هو قدرته على تجسيد أنواع مختلفة من الشخصيات ب حقيقية مدهشة !
تبقى قاعد عارف ان ده تمثيل بس مصدق كل لحظة وكل كلمة بيقولها !
استثنائية عبلة كامل بالنسبالي اتحفرت من خلال ٥ لحظات !
..
(اللحظة الاولى)
سنة ١٩٩٥ أسند لعبلة كامل دور "فاطمة كشري" في مسلسل "لن اعيش في جلباب أبي" عن رواية إحسان عبد القدوس ، مصطفى محرم وإخراج أحمد توفيق
امام نور الشريف !
ويا لهول ما فعلته عبلة كامل !
عارف المارد اللي خرج من فانوس سحري ؟
كل لحظة ، لفتة نظرة !
كل حرف بتتلفظ بيه ....
اختفت عبلة كامل في تفاصيل فاطمة كشري
بشعرها ، بالايشارب ، بالجلابية
"عارفه انا نفسي في ايه دلوقتي ....
طبق كشري ..........
يا راجل انت لسه فيك حيل"
شخصية "اتمزجت" وهي بترسمها عشان تفضل عايشه لحد النهارده !
..
(اللحظة الثانية)
"لبيبة" ........
سنة ١٩٩٨ ومن خلال مسلسل "امرأة من زمن الحب" للرائع أسامة أنور عكاشة وإسماعيل عبد الحافظ ابدعت عبلة كامل مرة أخرى في خلق شخصية مؤثرة ......
"لبيبة" !
طريقة كلامها ، اللحظة اللي بتتحول فيها لبيبة اللي دايما بتضحكنا للبيبة اللي نفسها انكسرت من تريقة الشباب عليها !
قمة الصدق والتصديق !
..
(اللحظة الثالثة)
سنة ١٩٩٨ كتب واخرج الراحل "رضوان الكاشف" رائعته "عرق البلح" .........
انا بقى مش هتكلم عن أداء عبلة كامل التمثيلي -إطلاقا-
انا بس هطلب منكم تسمعوها
تراك بيبة وفِي تمام ١:٤١ .....
قدرة المشخصاتي أنه يؤدي بصوته .........
رعشة صوتها عشان توصل معنى كامن في الجملة !
فيبقى عندك ٣ بيؤدوا الاغنية -٣ منهم شريهان- فتنور عبلة كامل بوهج يؤلم العين !
..
(اللحظة الرابعة)
اللحظة الحاسمة !
٢٠٠١ "حديث الصباح والمساء"
-نجيب محفوظ ، محسن زايد ، احمد صقر-
"جليلة"
وآااااااااااااااااااااااااهٍ من جليلة .........
جليلة يُكتب عنها مجلدات !
لكن يظل مشهدي الاستثنائي هو مشهد وداع جليلة لصديقة العمر نعمة
"يا عشرتي الحلوة يا نعمة...
عدمت الحبايب من بعدك يا نعمة "
اللحظة اللي بتقول فيها عدمت الحبايب من بعدك يا نعمة وبتنام جنبها ..... يا الهي !
لهذا خلق الفن من الأساس .... حتى نشعر
حتى نعيش أكثر !
عشان قلبنا يفُط من صدورنا واحنا شايفين حيوات قدامنا مصدقينها !
روعة جليلة واستثنائيتها تكمن في بساطتها ، قسوتها ، جسارتها !
..
(اللحظة الخامسة)
وصال ......
٢٠٠٢ "أين قلبي" -مجدي صابر ومجدي أبو عميرة-
من فرط عاديتها أصبحت استثنائية للغاية !
كم المشاعر اللي بنشوفها و نختبرها مع وصال على الرغم من عاديتها المفرطة تدهشك !
..

لحظات خمس (بالنسبالي) صنعت استثنائية مشخصاتية من العيار الثقيل اسمها "عبلة كامل"
تمثيلها سلس ، سهل ، لين !
حاجة تتسرب منك وانت بتتفرج ف تلاقيك بتتشد لحياة وشخصية وتعيش معاها ......
تعيش معاها !

نشكركم زوار العرب اليوم على تصفح موقعنا وفى حالة كان لديك اى استفسار بخصوص هذا الخبر رحاب هاني تكتب: 5 لحظات صنعت استثنائية عبلة كامل! برجاء ابلاغنا او ترك تعليق الأسفل المصدر : الدستور

السابق المركزي الأردني: السيولة الفائضة ترتفع بواقع 14 مليون دينار
التالى "الغيبة أسبابها وآثارها" بثقافة أسيوط