أخبار عاجلة

وكيل "محلية النواب": "المسؤول اللى جزمته متلمعه ما تاخدش منه رجا"

وكيل "محلية النواب": "المسؤول اللى جزمته متلمعه ما تاخدش منه رجا"
وكيل "محلية النواب": "المسؤول اللى جزمته متلمعه ما تاخدش منه رجا"

انتقد النائب محمد الحسينى، وكيل لجنة الإدارة المحلية بمجلس النواب، أداء بعض الأجهزة التنفيذية فى الوحدات المحلية، وشن هجوما حادا على مديريات الطرق واصفا إياها بـ"الفاشلة".

 

وقال "الحسينى"، خلال اجتماع اللجنة المنعقد الآن برئاسته، لمناقشة مشروع موازنة محافظة الجيزة وخطة التنمية الاقتصادية والاجتماعية للعام المالى 2018/ 2019: "عايزين نعرف مدينة الجيزة إيه المشروعات اللى عملتها؟ مديريات الطرق الفاشلة فى 27 محافظة اللى محدش يعرف عنها حاجة ميزانياتها إيه؟ ومديرية الطرق فى الجيزة مشروعاتها إيه؟".

 

وأكد وكيل لجنة الإدارة المحلية فى حديثه خلال الاجتماع، أن "مشاكل الكهرباء والصرف والمياه والطرق وغيرها كلها بتروح للنواب، ولازم الأجهزة التنفيذية تشتغل وتتفاعل مع مشاكل الناس، وترسل خطابات لمجلس النواب عن إجراءات حل هذه المشاكل، لازم نفلتر ونراقب صح، لإن بالشكل ده مفيش مراقبة، هنراقب ناس مش عارفة حاجة ولا أى أرقام".

 

وانتقد النائب محمد الحسينى زيادة بند تعويضات العاملين فى الجهود غير العادية بموازنة محافظة الجيزة بمبلغ مليون جنيه عن السنة الماضية، قائلا: "تعويضات العاملين فى بند الجهود غير العادية زادت مليون جنيه، طيب انت عندك جهود أصلا؟ إزاى تزود مليون جنيه من قوت الشعب؟ وإيه الجهود غير العادية؟ إيه يعنى؟ بيطلع يشتغل فى الشمس؟ عايزين نمنع الأرقام الوهمية دى، وبقول للناس اعرفوا إن المسؤول اللى جزمته متلمعه ما تاخدش منه رجا، إحنا هنحاسبك على أداء وبرامج".

 

وتابع الحسينى: "بعض المسؤولين مش بيعملوا حاجة، وديتونا فى ستين داهية، المواطن مش لاقى حاجة، رئيس الجمهورية شغال، نتعلم منه، ونخلى القوات المسلحة تشرف هى على المشروعات، إحنا بنتكلم فى مصير شعب، فيه 8 مليون مواطن فى الجيزة، وعايزين نساعد المحافظ والأجهزة التنفيذية يشتغلوا، فيه ناس بتشتغل بجد وفيه ناس هتاخد كارت أحمر قريب إن شاء الله".

نشكركم زوار العرب اليوم على تصفح موقعنا وفى حالة كان لديك اى استفسار بخصوص هذا الخبر وكيل "محلية النواب": "المسؤول اللى جزمته متلمعه ما تاخدش منه رجا" برجاء ابلاغنا او ترك تعليق الأسفل المصدر : الميدان نيوز

السابق وظائف الأزهر الشريف 2018 بجميع المحافظات والأوراق المطلوبة وللتقديم لمدة 15 يوم
التالى عقوبات رادعة للقيادة تحت تأثير المخدر وفق قانون المرور الجديد.. تعرف عليها